ເຈົ້າໜ້າທີ່ປະເມີນຜົນຄວາມເສຍຫາຍໄພນ້ຳຖ້ວມທີ່ແຂວງອັດຕະປື
ທີມປະເມີນຜົນຈາກກະຊວງແຜນການ ແລະ ການລົງທຶນຮ່ວມກັບອຳນາດການປົກຄອງແຂວງອັດຕະປື ປະເມີນຜົນຄວາມເສຍຫາຍຈາກໄພພິບັດນ້ຳຖ້ວມທີ່ເມືອງສະໜາມໄຊທີ່ຜ່ານມາ. ອີງຕາມຂໍ້ມູນເບື້ອງຕົ້ນຈາກແຂວງ, ມີ 13 ບ້ານ, 2,717 ຄອບຄົວ ແລະ 13,067 ຄົນໄດ້ຮັບຜົນກະທົບຈາກໄພນ້ຳຖ້ວມຈາກການແຕກຂອງສັນເຂື່ອນໂຄງການພະລັງງານໄຟຟ້ານ້ຳຕົກເຊນ້ຳນ້ອຍ-ເຊປຽນ ທີ່ເມືອງສະໜາມໄຊ ຄັ້ງວັນທີ 23 ກໍລະກົດ.
ນັກຂ່າວວຽງຈັນທາມສ໌
