ທີ່ດິນ ແລະ ຊັບພະຍາກອນທີ່ນຳໃຊ້ໂດຍຊຸມຊົນ ເປັນສ່ວນປະກອບທີ່ສຳຄັນຕໍ່ຊີວິດການເປັນຢູ່ໃນຊົນນະບົດ ຂອງສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ). ທີດິນຊຸມຊົນ ສ້າງປະໂຫຍດຫຼາຍຢ່າງໃຫ້ແກ່ບ້ານ ເຊັ່ນ ການບໍລິການດ້ານລະບົບນິເວດ, ອາຫານ ແລະ ຊັບພະຍາກອນເພື່ອລ້ຽງຊີບ, ປ່າ ແລະ ສິນຄ້າກະເສດທີ່ສາມາດຂາຍເພື່ອສ້າງລາຍຮັບ, ແລະ ພື້ນທີ່ ສຳລັບຈັດກິດຈະກຳທາງສາສະໜາ. ທີ່ດິນຊຸມຊົນລວມມີຫຼາຍປະເພດ ເຊັ່ນ ດິນກະສິກຳ, ປ່າໄມ້, ພື້ນທີ່ກະສິກຳປ່າໄມ້, ທົ່ງຫຍ້າ, ປ່າສັກສິດ, ແລະ ບ່ອນຝັງສົບ. ຊາວຊົນນະບົດ ມັກນຳໃຊ້ ດິນຊຸມຊົນ ໃນການດຳເນີນກິດຈະກຳທີ່ສຳຄັນຫຼາຍຢ່າງ ເຊັ່ນ ປູກເຂົ້າ ແລະ ພືດຜັກແບບໝູນວຽນ, ເກັບເຄື່ອງປ່າຂອງດົງທີ່ກິນໄດ້ ແລະ ເປັນຢາ, ລ່າສັດ ແລະ ຫາປາ, ຫາຟືນ, ຕັດໄມ້ເພື່ອປຸກເຮືອນ, ແລະ ດຳເນີນພິທີກຳທາງສາສະໜາ.