ເຂື່ອນໄຟຟ້ານ້ຳຕົກ

ວິທີການກໍ່ສ້າງທີ່ມີຄຸນນະພາບຕ່ຳ ໂດຍການນຳໃຊ້ດິນແທນຊີມັງ ແມ່ນສາເຫດຂອງເຂື່ອນແຕກຢູ່ລາວປີກາຍນີ້, ທີມຊ່ຽວຊານດ້ານນ້ຳສະຫຼຸບ, ເຊິ່ງຂັດກັບຂໍ້ສະຫຼຸບຂອງບໍລິສັດເກົາຫຼີໃຕ້ ທີ່ເປັນຜູ້ດຳເນີນໂຄງການ.ໄພພິບັດດັ່ງກ່າວໄດ້ເກີດຂຶ້ນໃນວັນທີ 23 ກໍລະກົດ 2018 ເມືຶ່ອໜຶ່ງໃນສັນເຂື່ອນຂອງໂຄງການພະລັງງານໄຟຟ້ານ້ຳຕົກເຊປຽນ-ເຊນ້ຳນ້ອຍໄດ້ພັງລົງ ພາຍຫຼັງມີຝົນຕົນໜັກ ເຮັດໃຫ້ກະແສນ້ຳໄຫຼຖ້ວມ 12 ບ້ານ ແລະ ມີຜູ້ເສຍຊີວິດຢ່າງໜ້ອຍ 40 ຄົນຢູ່ແຂວງຈຳປາສັກ ແລະ ອັດຕະປື, ທັງມີຜູ້ສູນຫາຍອີກຈຳນວນໜຶ່ງ.ອ່ານຕໍ່ ...

(ຂປລ) ຜົນການສືບສວນສອບສວນ ໂດຍທີມຜູ້ຊ່ຽວຊານມືອາຊີບອິດສະຫຼະ ໃຫ້ຮູ້ວ່າຕົ້ນຕໍສາເຫດຂອງສັນເຂື່ອນ D ຂອງໂຄງການເຂື່ອນໄຟຟ້າເຊປຽນ-ເຊນ້ຳນ້ອຍແຕກບໍ່ແມ່ນເຫດສຸດວິໄສ.ໃນວັນອັງຄານຜ່ານມາ ຄະນະກຳມະການສືບສວນສອບສວນແຫ່ງຊາດໄດ້ເປີດເຜີຍຜົນຂອງການສືບສວນສອບສວນ ເຊິ່ງດຳເນີນໂດຍທີມຜູ້ຊ່ຽວຊານອິດສະຫຼະ (IEP).ອ່ານຕໍ່ ...

ຊາວບ້ານທີ່ຖືກອົບພະຍົບຈາກໂຄງການເຂື່ອນໄຟຟ້າດອນສະໂຮງທີ່ກຳລັງດຳເນີນການກໍ່ສ້າງໃກ້ກັບຊາຍແດນກຳປູເຈຍ ຍັງຄົງບໍ່ມີວຽກເຮັດງານທຳ ແລະ ລາຍຮັບ ຫຼັງຈາກສາມປີຂອງການດຳເນີນໂຄງການ ທັງໆທີ່ລັດຖະບານສັນຍາວ່າຈະໃຫ້ການຊ່ວຍເຫຼືອ.ການກໍ່ສ້າງເຂື່ອນໄຟຟ້າແມ່ນ້ຳຂອງດັ່ງກ່າວ ແມ່ນຢູ່ພາຍໃຕ້ການດຳເນີນການຂອງບໍລິສັດມາເລເຊຍ ຮ່ວມກັບລັດຖະບານລາວ ເຊິ່ງເລີ່ມຕົ້ນມາແຕ່ເດືອນມັງກອນ 2016, ແຕ່ວ່າປະຊາຊົນທີີ່ຖືກຍົກຍ້າຍພູມລຳເນົາ ຍັງຄົງໄດ້ຮັບການຊ່ວຍເຫຼືອພຽງເລັກນ້ອຍຈາກພາກສ່ວນລັດ ຫຼື ເອກະຊົນທີ່ກ່ຽວຂ້ອງ, ຕາມແຫຼ່ງຂ່າວ.ອ່ານຕໍ່ ...

ເຊກອງ, ລາວ (ວຽງຈັນທາມສ໌/ANN) – ລັດຖະບານໄດ້ອະນຸມັດໃຫ້ບໍລິສັດພະລັງງານທ້ອງຖິ່ນ ດຳເນີນການສຶກສາຄວາມເປັນໄປໄດ້ຂອງໂຄງການເຂື່ອນໄຟຟ້ານ້ຳປະຍູ (ຕອນລຸ່ມ) ແຂວງເຊກອງ.ບົດບັນທຶກຄວາມເຂົ້າໃຈຂອງໂຄງການດັ່ງກ່າວໄດ້ຜ່ານການລົງນາມໂດຍທ່ານ (ປອ) ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ແສງລາຕີ ສະຫວັນຄຳ ປະທານບໍລິສັດວຽງຈັນ Automation and Solution Engineering ຈຳກັດ (VASE) ໃນວັນສຸກທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ໃຫ້ຄຳໝັ້ນໃນການພິຈາລະນາຂໍ້ສະເໜີຕົ້ນຕໍຂອງປະເທດສະມາຊິກຄະນະກຳມາທິການແມ່ນ້ຳຂອງ (MRC) ແລະ ຜູ້ມີສ່ວນຮ່ວມທີ່ກ່ຽວຂ້ອງ ໃນການອອກແບບ ແລະ ກໍ່ສ້າງໂຄງການເຂື່ອນໄຟຟ້າທີ່ປາກລາຍ, ຕາມຂໍ້ມູນຈາກເຈົ້າໜ້າທີ່ລະດັບສູງ.ໃນກອງປະຊຸມທີ່ວຽງຈັນໃນບັ້ນສິ້ນສຸດຂະບວນການປຶກສາຫາລືລ່ວງໜ້າກ່ຽວກັບໂຄງການເຂື່ອນທີ່ປາກລາຍອາທິດແລ້ວນີ້, ທ່ານ ຈັນທະເນດ ບົວລະພາ ຕາງໜ້າລັດຖະບານລາວກ່າວວ່າ ລັດຖະບານ ແລະ ເຈົ້າຂອງໂຄງການຈະທົບທວນລາຍລະອຽດກ່ຽວກັບຜົນການຄົ້ນຄວ້າ ແລະ ຂໍ້ສະເໜີຕົ້ນຕໍຕ່າງໆຂອງບັນດາປະເທດສະມາຊິກ MRC.ອ່ານຕໍ່ ...

ກຳປູເຈຍ, ໄທ, ແລະ ຫວຽດນາມໄດ້ຊຸກຍູ້ໃຫ້ປະເທດສະມາຊິກຮ່ວມຄະນະກຳມາທິການແມ່ນ້ຳ (MRC) ຂອງຄືລາວ ແກ້ໄຂບັນຫາກ່ຽວກັບຜົນກະທົບຕໍ່ສະພາບແວດລ້ອມ ແລະ ຂ້າມຊາຍແດນ ພາຍຫຼັງການປຶກສາຫາລືກ່ຽວກັບໂຄງການເຂື່ອນໄຟຟ້າປາກລາຍ.ໃນວັນພະຫັດທີ່ຜ່ານມາ, ປະເທດສະມາຊິກ MRC ໄດ້ຕົກຂໍ້ຖະແຫຼງການຂອງໂຄງການ ພາຍຫຼັງສະຫຼຸບຂະບວນການປຶກສາຫາລືລ່ວງໜ້າໄລຍະຫົກເດືອນ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ແມ່ນ້ຳອູເຊິ່ງຕັ້ງຢູ່ທາງພາກເໜືອຂອງລາວ ຈະມີເຂື່ອນໄຟຟ້າທັງໝົດເຈັດແຫ່ງ ເຊິ່ງປະຈຸບັນບາງສ່ວນໄດ້ສຳເລັດການກໍ່ສ້າງ ແລະ ມີການຜະລິດກະແສໄຟຟ້າເພື່ອຮັບໃຊ້ສັງຄົມແລ້ວ.ເຂື່ອນທັງໝົດຈະສຳເລັດພາຍໃນປີ 2020 ເຊິ່ງການຜະລິດໄຟຟ້າຈາກເຂື່ອນດັ່ງກ່າວຈະສະໜອງກະແສໄຟຟ້າ 42% ສຳລັບການນຳໃຊ້ພາຍໃນປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຍ້າຍຖິ່ນຖານພູມລຳເນົາຂອງປະຊາຊົນ 60,000 ຄົນຈາກ 12,000 ຄອບຄົວໃນ 200 ບ້ານທົ່ວປະເທດລາວ ໄດ້ນຳໃຊ້ງົບປະມານກວ່າ US$500 ລ້ານໂດລາ ເພື່ອດຳເນີນໂຄງການເຂື່ອນໄຟຟ້າ, ລັດຖະມົນຕີກະຊວງພະລັງງານ ແລະ ບໍ່ແຮ່ກ່າວ.ທ່ານ (ປອ) ຄຳມະນີ ອິນທິລາດ ລາຍງານຕົວເລກດັ່ງກ່າວໃນກອງປະຊຸມຄັ້ງທີສີ່ວ່າດ້ວຍການຖອດຖອນບົດຮຽນ ແລະ ແລກປ່ຽນປະສົບການກ່ຽວກັບການຍ້າຍພູມລຳເນົາ, ການຈ່າຍຄ່າຊົດເຊີຍ ແລະ ການຟື້ນຟູຊີວິດການເປັນຢູ່ຂອງປະຊາຊົນ ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າໃນແຂວງຄຳມ່ວນໃນໄລຍະຜ່ານມາ.ອ່ານຕໍ່ແຫຼ່ງທີ່ມາ: LIWG ...

ຫຼວງນ້ຳທາ, ລາວ (ວຽງຈັນທາມສ໌/ANN) – ຫຼາຍຮ້ອຍຄົວເຮືອນໃນແຂວງບໍ່ແກ້ວ ແລະ ຫຼວງນ້ຳທາທີ່ຕ້ອງຍ້າຍຖິ່ນຖານເນື່ອງຈາກໂຄງການເຂື່ອນໄຟຟ້ານ້ຳທາ 1 ສະແດງຄວາມກັງວົນກ່ຽວກັບອະນາຄົດ ເຖິງວ່າເຂົາເຈົ້າຈະໄດ້ຮັບການຊ່ວຍເຫຼືອຢ່າງຫຼວງຫຼາຍຈາກອຳນາດການປົກຄອງ.ປະຊາຊົນກວ່າ 1,700 ຄອບຄົວຈາກ 37 ບ້ານໃນເມືອງຜາອຸດົມ ແຂວງບໍ່ແກ້ວ ແລະ ເມືອງນາແລ ແຂວງຫຼວງນ້ຳທາແມ່ນກຸ່ມທີ່ໄດ້ຮັບຜົນກະທົບຈາກໂຄງການ. ພວກເຂົາໄດ້ມີການຍ້າຍຖິ່ນທີ່ຢູ່ອາໄສໃນລະຫວ່າງເດືອນຕຸລາ ປີ 2014 ແລະ ເດືອນເມສາ ປີ 2018.ອ່ານຕໍ່ ...

ປະຊາຊົນຈຳນວນປະມານ 125 ຄອບຄົວທີ່ເມືອງວຽງທອງ ແຂວງບໍລິຄຳໄຊ ທາງພາກກາງຂອງລາວ, ທີ່ຕ້ອງຍ້າຍທີ່ຢູ່ອາໄສເນື່ອງຈາກການສ້າງເຂື່ອນໄຟຟ້ານ້ຳຕົກແຫ່ງໃໝ່ ປະຕິເສດທີ່ຈະຮັບຄ່າຊົດເຊີຍຈາກເຈົ້າຂອງໂຄງການ, ໂດຍກ່າວວ່າການຊົດເຊີຍແມ່ນໜ້ອຍບໍ່ສົມເຫດສົມຜົນ.ການກໍ່ສ້າງເຂື່ອນໄຟຟ້ານ້ຳຕົກນ້ຳເທີນ 1 ໄດ້ເລີ່ມດຳເນີນໃນປີ 2016 ແລະ ປະຈຸບັນແມ່ນສຳເລັດແລ້ວປະມານ 40%. ໂຄງການດັ່ງກ່າວຄາດວ່າໃຫ້ຈະສຳເລັດໃນປີ 2022.ອ່ານຕໍ່ ...