News

ຫຼວງພະບາງ, 18 ຕຸລາ 2018: ບໍລິສັດການບິນລາວຈະເປີດຖ້ຽວບິນ ເພື່ອດຶງດູດນັກທ່ອງທ່ຽວຈີນຈາກເມືອງສາງຊາ ເຂົ້າມາເມືອງມໍລະດົກໂລກຫຼວງພະບາງ. ຖ້ຽວບິນດັ່ງກ່າວ ເຊິ່ງຈະເລີ່ມໃນວັນທີ 31 ຕຸລານີ້, ເປັນຖ້ຽວບິນລາຍອາທິດ ມີແຜນການບິນທຸກໆວັນພຸດ ແຕ່ຍັງບໍ່ສາມາດຈອງຜ່ານທາງເວັບໄຊຂອງການບິນລາວເທື່ອ.ອ່ານຕໍ່ ...

ວຽງຈັນ (VNA) – ໃນວັນທີ 17 ຕຸລານີ້ ຕົວແທນຈາກສາຂາບໍລິສັດຂົນສົ່ງ ອິນໂດ ທຣານ ປະເທດຫວຽດນາມປະຈຳລາວ ໄດ້ມອບເງິນຈຳນວນ 12,300 ໂດລາສະຫະລັດ ໃຫ້ແກ່ກະຊວງແຮງງານ ແລະ ສະຫວັດດີການສັງຄົມ ເພື່ອຊ່ວຍເຫຼືອປະຊາຊົນລາວທີ່ໄດ້ຮັບຜົນກະທົບຈາກເຂື່ອນແຕກ ທີ່ອັດຕະປື ໃນເດືອນກໍລະກົດຜ່ານມາ.ອ່ານຕໍ່ ...

ບໍລິສັດ SK E&C ພະຍາຍາມສ້າງກຳໄລເພີ່ມເຕີມດ້ວຍການປັບປ່ຽນຮູບແບບ ແລະ ຕົວແບບການກໍ່ສ້າງເຂື່ອນໄຟຟ້າໃນລາວ ເຊິ່ງໄດ້ສົ່ງຜົນເຮັດໃຫ້ເຂື່ອນແຕກໃນເດືອນກໍລະກົດຜ່ານມາ, ຕາມການຢືນຢັນຈາກເອກະສານພາຍໃນ ໃນວັນທີ 14 ຕຸລານີ້. ໃນຕົວຈິງ, ຄວາມສູງຂອງສັນເຂື່ອນທີ່ແຕກ ແລະ ສັນເຂື່ອນສ່ວນອື່ນໆທີ່ສ້າງໂດຍບໍລິສັດ SK E&C ໂດຍສະເລ່ຍແມ່ນ 6.5 ແມັດ ເຊິ່ງຕ່ຳກວ່າຕົວແບບການກໍ່ສ້າງພື້ນຖານໃນເອກະສານ.ອ່ານຕໍ່ ...

ກິດຈະກຳສີສັນຕ່າງໆແມ່ນສ່ວນໜຶ່ງຂອງງານບຸນຊ່ວງເຮືອ ທີ່ບ້ານາຝາງ ເມືອງຮຸນ ແຂວງອຸດົມໄຊ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ.ອ່ານຕໍ່ ...

ເຈົ້າຂອງໂຄງການພະລັງງານໄຟຟ້ານ້ຳຕົກ ເຊປຽນ-ເຊນ້ຳນ້ອຍສືບຕໍ່ຊ່ວຍເຫຼືອຈຳນວນເງິນຫຼາຍລ້ານໂດລາ ສຳລັບຜູ້ປະສົບໄພຈາກສັນເຂື່ອນແຕກ ເພື່ອພາລະກິດບັນເທົາທຸກ ແລະ ຟື້ນຟູຈາກໄພພິບັດ ທີ່ເມືອງສະໜາມໄຊ ແຂວງອັດຕະປື, ຕາມການລາຍງານຂອງຮອງນາຍົກລັດຖະມົນຕີ ອາທິດແລ້ວນີ້.ນ້ຳຖ້ວມກະທັນຫັນທີ່ແຂວງອັດຕະປືທາງພາກໃຕ້ຂອງລາວ ແມ່ນເປັນສາເຫດມາຈາກການແຕກຂອງໜຶ່ງໃນສັນເຂື່ອນຂອງໂຄງການ ໃນວັນທີ 23 ກໍລະກົດຜ່ານມາ. ເຊິ່ງໂຄງການດັ່ງກ່າວຢູ່ພາຍໃຕ້ຄວາມຮັບຜິດຊອບຂອງ 4 ກຸ່ມນັກລົງທຶນ ຄື ສອງບໍລິສັດຈາກເກົາຫຼີໃຕ້, ແລະ ໜຶ່ງບໍລິສັດຈາກໄທ ແລະ ລາວ.ອ່ານຕໍ່ ...

ຕາງໜ້າຈາກຄູ່ຮ່ວມພັດທະນາ ແລະ ກົມກອງຖັນແຖວກະຊວງສາທາລະນະສຸກ ໄດ້ປະຊຸມກັນວານນີ້ ທີ່ວຽງຈັນ ເພື່ອຫາລືກ່ຽວກັບການຄວບຄຸມພະຍາດບໍ່ຕິດແປດ (NCD).ການຫາລືດັ່ງກ່າວແມ່ນສ່ວນໜຶ່ງຂອງກອງປະຊຸມຫາລືວິຊາການດ້ານການແພດແຫ່ງຊາດຄັ້ງທີ 12 (12th NHRF) ເຊິ່ງໄດ້ອັດລົງວານນີ້ ແລະ ຍັງຄອບຄຸມການບັນລຸເປົ້າໝາຍການຮັບປະກັນດ້ານສຸຂະພາບໂລກ (UHC) ແລະ ການລົບລ້າງພະຍາຍຕິດແປດບາງຊະນິດ ພາຍໃນປີ 2025 (NCD).ອ່ານຕໍ່ ...

(ຂປລ) ໃນວັນທີ 14-16 ຕຸລາ, ເຈົ້າໜ້າທີ່ລະດັບສູງຈາກກະຊວງການຕ່າງປະເທດສະຫະລັດ ໄດ້ຢ້ຽມຢາມລາວເພື່ອທົບທວນຄວາມຄືບໜ້າຕໍ່ເນື່ອງດ້ານການພົວພັນສອງຝ່າຍ ແລະ ແນະນຳເຈົ້າໜ້າທີ່ລາວກ່ຽວກັບຍຸດທະສາດອິນໂດ-ປາຊິຟິກ.ອ່ານຕໍ່ ...

ລັດຖະມົນຕີໄດ້ກ່າວໃນໂອກາດວັນອາຫານໂລກ ແລະ ວັນສາກົນເພື່ອການລົບລ້າງຄວາມທຸກຍາກວ່າ ບັນຫາຍືດເຍື້ອຈຳນວນໜຶ່ງໄດ້ເພີ່ມທະວີຄວາມຮ້າຍແຮງດ້ານຄວາມທຸກຍາກ ແລະ ໄພອຶດຫິວ ໃນບັນດາປະເທດທົ່ວໂລກ ລວມທັງປະເທດລາວ.ອ່ານຕໍ່ ...

ບັນດາຜູ້ຊ່ຽວຊານລາວໄດ້ຮ່ວມຫາລືກັບຊ່ຽວຊານຈາກປະເທດຈີນ ທີ່ວຽງຈັນ ໃນວັນສຸກຜ່ານມານີ້ ເນື່ອງໃນບັນຍາກາດງານວາງສິນຄ້າ Techmart ລາວທີ່ກຳລັງດຳເນີນ ທີ່ສູນການຄ້າລາວ-ໄອເຕັກ ເພື່ອແນໃສ່ປັບປຸງການຮັກສາ ແລະ ເບິ່ງແຍງຄົນເຈັບໂລກມະເຮັງ.ໃນກອງປະຊຸມ, ຊ່ຽວຊານໂລກມະເຮັງຈາກສະຖາບັນຄົ້ນຄວ້າວິທະຍາສາດ ແລະ ເຕັກໂນໂລຊີ ເມືອງກວາງສີ, ປະເທດຈີນ, ໂຮງໝໍມະໂຫສົດ, ໂຮງໝໍມິດຕະພາບ ແລະ ອົງການຈັດຕັ້ງທີ່ກ່ຽວຂ້ອງ ໄດ້ຂຶ້ນລາຍງານກ່ຽວກັບຄວາມຄືບໜ້າໃນການພັດທະນາ ແລະ ເຕັກນິກການຮັກສາຄົນເຈັບໂລກມະເຮັງໃນລາວ ແລະ ຈີນ.ອ່ານຕໍ່  ...

ວຽງຈັນ – ອົງການສາກົນເພື່ອການຍ້ານຖິ່ນຖານ (IOM) ແລະ ກົມຕຳຫຼວດກວດຄົນເຂົ້າເມືອງ (ກຕມ) ຂອງ ສປປ ລາວ ໄດ້ເລີ່ມຊຸດຝຶກອົບຮົມທຳອິດ ເຊິ່ງນຳໂດຍວິທະຍາກອນຊ່ຽວຊານຈາກ ກຕມ ໃຫ້ແກ່ເຈົ້າໜ້າທີ່ຕຳຫຼວດ ແລະ ເຈົ້າໜ້າທີ່ປະຈຳຊາຍແດນແນວໜ້າ ເພື່ອຍົກລະດັບຄວາມສາມາດຂອງລາວ ໃນການຈັດການກັບການຄ້າມະນຸດ ແລະ ການລັກລອບຂົນສົ່ງຜູ້ຍ້າຍຖິ່ນຖານໃນທົ່ວປະເທດ.ອ່ານຕໍ່ ...